അയൽക്കാരന്റെ ജാലകം

സ്വന്തം ഭാര്യയുടെ സൌന്ദര്യം മനസിലാക്കണമെങ്കിൽ അയൽക്കാരന്റെ ജാലകത്തിലൂടെ നോക്കണമെന്ന ആപ്തവാക്യം മനസിലോർത്തു ഞാൻ എന്റെ ഭാര്യയുടെ സൌന്ദര്യം അളക്കാൻ അയൽപക്കത്തെ ദിനേശന്റെ വീട്ടിലേക്കു ചെന്നു. പരിഭ്രമത്തോടെ ദിനേശൻ ജനാല ചോട്ടിലെ കസേരയിൽ ഇരിക്കാൻ ക്ഷണിച്ചു മാറി നിന്നു. ഞാൻ അല്പം തുറന്ന ജനാലയിലൂടെ എന്റെ വീട്ടിലേക്കു നോക്കി. അപ്പോഴും കണ്ടത് പഴേ ഭാര്യയെ തന്നെ! ഒരു മാറ്റവും ഇല്ല. പക്ഷെ ദിനേശന്റെ ഭാര്യയെ അത്ര അടുത്ത് കണ്ടപ്പോൾ പതിവിലേറെ സുന്ദരിയായി തോന്നുകയും ചെയ്തു!....